مرحباً بك بموقع الاخبار القبطية

ازاي المشهد ده صعب كده......!! حط نفسك مكانه كده وانت وسط الصناديق !!!؟ تخيل ... تخيلت!!

ازاي المشهد ده صعب كده......!! 
حط نفسك مكانه كده وانت وسط الصناديق !!!؟
تخيل
تخيلت!!
اذا كان اصلا احنا الخدام اللي مسئولين عن اطفال مرعوبين نتحاسب عن كل واحد فيهم ما بالك باللي مسئول عنهم ومسئول عنك، ومسئول علي اللي مسئول عنك 
لكل اللي كانوا بيهاجموك نفسي يحطوا نفسهم ولو ربع اللي انت فيه
ازاي كل ماترفع راسك تلاقي ولادك اللي انت مسئول عنهم واؤتمنت عليهم محطوطين في صناديق حواليك، من كتر الالم تبص لربنا فوق وتنزل راسك تاني تبكي
انت اصلا مقدر مسئولية كلمه ولا اللي ربنا ائتمنك عليهم!!!
نفسي اللي كانوا بيهاجموك يقولوا انت المفروض تعمل كده
ايه ومعملتوش 
نفسي يحطوا نفسهم مش مكانك لا مكان كاهن او اسقف مسئول عن رعيه ويحصل كده.. 
احساس الالم والكسرة وحش 
بالذات لما تحس ان ابوك هو اللي مكسور
وبدل ماتشيل عنه لا انت بتشيله هم اكبر بكلامك السئ اللي اكنه سيف بينضرب في ضهره من ولاده
ولتاني مره باقولها
اذا كان اصلا احنا الخدام اللي مسئولين عن اطفال مرعوبين نتحاسب عن كل واحد فيهم ما بالك باللي مسئول عنهم ومسئول عنك، ومسئول علي اللي مسئول عنك 
ارجوكم نقف جنب الراجل ده لغايه اما نعدي الفتره دي بسلام
نقف جنبه مش ضده
نقف جنبه ونساعده
انت جبل يابويا
شد ضهرك يا ابويا ، و اوعي تحس بانكسار ..
شد ضهرك وافرح ، ولادك بيكتبوا السنكسار ..
احنا علطول بنكون احنا اللي محتاجينه.. المرادي غالبا هو اللي محتاجنا نكون جنبه